اترپردیش کے ضلع شاہجہاں پور میں تلہر علاقے سے پولیس نے منشیات کے اسمگلنگ کرنے والے گروہ کے دو اسمگلروں کو گرفتار کر کے ان کے قبضے سے 10کلو 500گرام فائن کوالٹی کی افیم ضبط کی ہے۔
جس کی عالمی بازار میں قیمت تقریبا ڈیڑھ کروڑ روپئے بتائی گئی ہے۔
پولیس ترجمان نے بتایا کہ اطلاع ملنے پر منگل کی رات تلہر پولیس اور کرائم برانچ کی ٹیم نے مشترکہ طور سے پنڈٹ ڈھانے کے نزدیک چیکنگ کے دوران بائیک سوار دو اسمگلر اشوک کمار اور سچن کو گرفتار کر کے ان کے قبضے سے ڈیڑھ کلو گرام فائن کوالٹی کی افیم ضبط کی ہے۔
مزید پڑھیں:Rahat Indori: راحت اندوری کی آج پہلی برسی
انہوں نے بتایا کہ گرفتار ملزم کٹرا علاقے سمدھانا گاؤں کے رہنے والے ہیں۔ دونوں کو عدالت میں پیش کرنے کے بعد جیل بھیج دیا گیا ہے۔
یواین آئی۔ولی
