دہلی کے ماحولیات کے وزیر گوپال رائے نے بدھ کو کہا کہ دارالحکومت میں آلودگی کی سطح میں بہتری کے بعد پیر سے اسکولوں کو دوبارہ کھولنے کا فیصلہ کیا گیا ہے۔
آج عہدیداروں کے ساتھ جائزہ میٹنگ کے بعد رائے نے کہا کہ 29 نومبر سے اسکول اور تعلیمی ادارے کھولنے کا فیصلہ کیا گیا ہے۔ انہوں نے میٹنگ کے بعد صحافیوں کو بتایا کہ دہلی میں اسکول 29 نومبر سے دوبارہ کھل جائیں گے۔ سی این جی اور الیکٹرک گاڑیوں کو 27 نومبر سے دہلی کی سرحد میں داخل ہونے کی اجازت ہوگی۔
گوپال رائے نے بتایا کہ دہلی میں آلودگی کی خطرناک سطح کو دیکھتے ہوئے اسکول اور کالج کو بند کردیا گیا تھا۔ اس کے ساتھ نجی اور سرکاری اداروں کو بھی مشورہ دیا گیا تھا کہ اگر ممکن ہو تو گھر سے کام کریں لیکن اب آلودگی کی سطح میں بہتری آئی ہے۔ اس کے پیش نظر ہم 29 نومبر سے اسکول اور کالج کھو لے جارہے ہیں۔
رائے نے کہا کہ دہلی میں تعمیرات پر سے پابندیاں بھی ہٹا دی گئی ہیں۔ تاہم لوگوں سے درخواست کی گئی ہے کہ وہ آلودگی سے متعلق تمام اصولوں پر عمل کریں اور لاپرواہ نہ ہوں۔ غفلت برتنے والوں کے خلاف سخت کارروائی کی جائے گی۔
انہوں نے کہا کہ تاہم، زیادہ سے زیادہ لوگ پبلک ٹرانسپورٹ استعمال کرتے ہیں۔ جہاں سرکاری ملازمین آتے ہیں وہاں سے خصوصی بسیں چلائی جائیں گی۔ آئی ٹی او اور آئی پی سے سیٹل بس سروس شروع کی جائے گی تاکہ ملازمین کو پریشانی کا سامنا نہ کرنا پڑے
انہوں نے کہا کہ سی این جی اور الیکٹرک گاڑیوں کے علاوہ تمام قسم کی گاڑیوں کے دہلی میں 3 دسمبر تک داخلے پر پابندی ہوگی۔
مزید پڑھیں:دہلی میں 17 نومبر تک تمام دفاتر بند رہیں گے: گوپال رائے
وزیر ماحولیات نے کہا کہ 29 نومبر سے سرکاری ملازمین دفاتر آئیں گے۔ انہوں نے ملازمین سے پبلک ٹرانسپورٹ استعمال کرنے کی اپیل کی۔ انہوں نے کہا کہ تعمیرات اور مسماری میں کوئی غفلت پائی گئی تو سخت کارروائی کی جائے گی۔
یو این آئی
