اورنگ آباد میں کورونا مریضوں کی تعداد میں تیزی سے اضافہ

ریاست مہاراشٹر کے شہر اورنگ آباد میں بڑے پیمانے پر کورونا پازیٹیو مریضوں کی تعداد میں اضافہ ہو رہا ہے۔ اورنگ آباد شہر کے چھ مراکز پر اینٹی جین اور آر ٹی پی سی آر ٹیسٹ کروائے جا رہے ہیں جس کو لے کر عوام میں تشویش پائی جاتی ہے۔

پچھلے ایک ہفتے میں اورنگ آباد میں کورونا پازیٹیو مریضوں کی تعداد میں زبردست اضافہ ہوا ہے جس کے بعد بلدی انتظامیہ سخت اقدامات کررہا ہے۔

اورنگ آباد میں کورونا ٹیسٹنگ کے دوران بڑے پیمانے پر پازیٹیو مریض سامنے آرہے ہیں اورنگ آباد میونسپل کارپوریشن کی جانب سے قائم طبی جانچ مراکز پر آر ٹی پی سی آر اور انٹی جین ٹیسٹ کروائیں جارہے ہیں ، ڈاکٹروں کا کہنا ہیکہ پچھلے ایک ہفتے میں کورونا کے پازیٹیو مریضوں کی تعداد بڑھتی جارہی ہے۔

واضح رہے اورنگ آباد شہر میں سنیچر اور اتوار کو مکمل لاک ڈاؤن لگا ہوا ہے ، کورونا وبا کے سبب شہریوں میں تشویش کے ساتھ ساتھ خوف بھی پایا جاتا ہے۔