راگھو چڈھا عام آدمی پارٹی کے دیگر ارکان اسمبلی کی طرح وزیر داخلہ امیت شاہ کے گھر پر پر احتجاج کرنے جارہے تھے۔
عام آدمی پارٹی کے رہنما راگھو چڈھا وزیر داخلہ امت شاہ کے گھر پر مظاہرہ کرنے جا رہے تھے، تاہم اس سے قبل ہی انہیں دہلی پولیس نے حراست میں لے لیا تھا۔
اس موقع پر رکن اسبملی راگھو چڈھا کا کہنا ہے کہ وہ آج 25 سو کروڑ بدعنوانی معاملے پر وزیر داخلہ امت شاہ کی رہائش گاہ پر احتجاج کرنے جارہے تھے۔
تاہم اس سے قبل دہلی پولیس عام آدمی پارٹی کے ارکان اسمبلی کے گھر کے باہر تعینات تھی ، تاکہ گھر سے نکلتے ہی ارکان اسمبلی کو حراست میں لے لیا جائے۔
مزید پڑھیں:'پارلیمان پر ہونے والے حملے کو کبھی بھلایا نہیں جا سکتا'
انہوں نے کہا کہ میونسپل کارپوریشن دہلی کے تین میئر وزیراعلیٰ اروند کیجریوال کے گھر کے باہر احتجاج کررہے ہیں اور مطالبہ کررہے ہیں کہ 13 ہزار کروڑ کا حساب دیں۔
راگھو چڈھا نے کہا کہ اگر بی جے پی والے 25 سو کروڑ کے بدعنوانی معاملے پر صفائی دیں گے تو عام آدمی پارٹی کی جانب سے 13000 کروڑ کا حساب دیا جائے گا۔
راگھو چڈھا نے کہا کہ یہ بدعنوانی سابق وزیراعلیٰ شیلا دکشٹ کے دوراقتدار میں ہوا تھا۔