اجین: کانگریس لیڈر راہل گاندھی کی بھارت جوڑو یاترا ایک دن کے آرام کے بعد آج اپنے نویں دن اجین ضلع سے اپنی اگلی منزل کے لئے شروع ہوئی۔ راہل گاندھی کی یاترا مقامی آر ڈی میڈیکل کالج سے صبح تقریباً چھ بجے شروع ہوئی۔ یاترا کا اگلا پڑاؤ نذر پور گاؤں تھا، جہاں یاترا صبح 10 بجے کے قریب پہنچی۔Bharat Jodo Yatra
فلم اداکارہ سورا بھاسکر آج صبح اجین سے شروع ہونے والی بھارت جوڑو یاترا میں شامل ہوئیں اور راہل گاندھی کے ساتھ تقریباً چھ کلومیٹر پیدل چلیں۔
آج کے دورے کے حوالے سے سابق مرکزی وزیر ارون یادو نے ٹویٹ کیا کہ ودیشا ضلع کے مجاہد آزادی کے پوتے نوین کوٹھاری اپنے خون سے بنائی گئی پینٹنگ راہل گاندھی کو دینے کے لئے یاترا میں قدم سے قدم ملاکر چل رہے ہیں۔ راہل گاندھی کی یاترا 4 دسمبر کو ریاست کے آگر-مالوا ضلع کے راستے راجستھان میں داخل ہوگی۔
یہ بھی پڑھیں: Rahul Gandhi Remember Poet Rahat Indori راہل گاندھی کو شاعر راحت اندوری یاد آئے
یو این آئی
