پیر کے روز وزیر خزانہ نرملا سیتا رمن نے 8 نکاتی اسکیم کا اعلان کیا جن کی مالیت 6 لاکھ 28 ہزار 993 کروڑ روپئے ہے۔ یہ امدادی اسکیم کورونا وائرس لاک ڈاؤن سے متاثر چھوٹے تاجرین ، محکمہ صحت ، سیاحت اور دیگر شعبوں کے لیے ہے۔
اس 8 نکاتی اسکیم پر تنقید کرتے ہوئے کانگریس رہنما راہل گاندھی نے کہا کہ یہ کوئی اسکیم نہیں بلکہ ایک دھوکہ ہے۔ انہوں نے کہا کہ وزیر خزانہ کے پیکیج سے کوئی بھی خاندان کو غذا ، ہسپتال کا بل ، اسکول فیس ادا نہیں کی جاسکتی۔
اپنے اقدامات میں وزیر خزانہ نے ایمرجنسی کریڈٹ لائن گیرینٹی اسکیم میں قرض کو 3 لاکھ کروڑ سے بڑھا کر 4.5 لاکھ کروڑ کرنے کا اعلان کیا۔ اس کے علاوہ چار نے نکات بھی شامل کیے۔ انہوں نے کہا کہ چھوٹے تاجروں اور سیاحت سے وابستہ افراد کو قرض فراہم کیے جائیں گے۔
وزیر خزانہ نے مزید کہا کہ نیا میڈیکل انفرا اسٹرکچر تیار کرنے کے لیے مزید 50 ہزار کروڑ روپئے کا قرض فراہم کیا جائے گا۔
