کانگریس کے سابق صدر راہل گاندھی نے قومی اہلیتی انٹرنس ٹسٹ (این ای ای ٹی ) کو ملتوی کرنے اور اس میں شرکت کرنے والے طلبا کو منصفانہ مواقع دینے کا مطالبہ کیا ہے۔
راہل گاندھی نے ٹویٹ کیا ’’حکومت اسٹوڈنٹس کی حالت زار پر آنکھیں بند کیے ہوئے ہے۔ این ای ای ٹی کا امتحان ملتوی کریں اور اسٹوڈنٹس کو امتحان میں شرکت کا منصفانہ موقع فراہم کریں‘‘۔
واضح رہے کہ این ای ای ٹی کا امتحان 12 ستمبر کو ہونا ہے اور اسی دن سی بی ایس ای کا بھی ایک پیپر ہے۔ طلبہ کا مطالبہ ہے کہ ان کی دقتوں کو دیکھتے ہوئے حکومت این ای ای ٹی امتحان کی تاریخ تبدیل کرے۔
واضح رہے یہ معاملہ سپریم کورٹ تک پہنچا لیکن عدالت نے کہا کہ اس معاملے کو امتحان دینے والی ایجنسی کے سامنے رکھا جانا چاہیے۔
مزید پڑھیں:'جموں و کشمیر پر براہ راست حملہ کیا جا رہا ہے'
راہل گاندھی کا کہنا ہے کہ اسٹوڈنٹس کی جائز پریشانی کے پیش نظر حکومت کواین ای ای ٹی کا امتحان ملتوی کرنا چاہیے۔
یواین آئی
