کانگریس پارٹی کی جنرل سکریٹری پرینکا گاندھی واڈرا نے ٹویٹ کیا کہ’’مغربی اترپردیش کے میری پیاری بہنوں اور بھائیوں، اپنے مسائل اور ریاست کے بہتر مستقبل کی تعمیر کے لیے ووٹ کی طاقت کا استعمال کریں۔ میرے تمام ساتھیوں، کارکنوں اور یوپی کانگریس کے امیدواروں کو نیک خواہشات- آپ کو فخر ہونا چاہیے کہ 30 سال بعد ہم تمام سیٹوں پر اپنی طاقت کے ساتھ لڑ رہے ہیں‘‘۔ Priyanka Gandhi Appeal for Votes
انہوں نے آج کی پولنگ کے حوالہ سے کرمیوگ فلسفہ سے متعلق گیتا کے ایک شلوک کا بھی حوالہ دیا۔
مزید پڑھیں:۔ UP First Phase at A Glance: یوپی اسمبلی انتخابات، پہلے مرحلے کی مکمل تفصیلات پر نظر
قابل ذکر ہے کہ اتر پردیش اسمبلی انتخابات کے پہلے مرحلے میں آج صبح 7 بجے سے 11 اضلاع کی 58 اسمبلی سیٹوں پر ووٹنگ شروع ہو گئی۔ اس مرحلے میں مغربی اتر پردیش کے شاملی، مظفر نگر، میرٹھ، باغپت، غازی آباد، ہاپوڑ، گوتم بدھ نگر، بلند شہر، علی گڑھ، متھرا اور ہاتھرس اضلاع کی 58 اسمبلی سیٹوں کے 25880 پولنگ اسٹیشنوں پر 73 خواتین سمیت کل 623 امیدواروں کے 2.28 کروڑ رائے دہندگان ان کی قسمت کا فیصلہ کریں گے۔
(یو این آئی)
