ویکسین لینے کے بعد نریندر مودی نے ٹویٹ کیا آج میں نے ایمس میں کووڈ ویکسین کی دوسری خوراک لی۔
انہوں نے لوگوں سے اپیل کی کہ وہ' کوون ڈاٹ جی او وی ڈاٹ ان' پر اندراج کر کے ویکسین لگوائیں کیونکہ ویکسی نیشن ہی ان چند طریقوں میں سے ایک ہے جن کے ذریعے وائرس کو شکست دی جاسکتی ہے۔
وزیر اعظم نریندر مودی
خیال رہے وزیر اعظم نے گذشتہ ماہ یکم مارچ کو بھارت بائیوٹیک کی تیار کردہ کورونا ویکسین کی پہلی خوراک لی تھی۔
ملک بھر میں کووڈ 19 کے بڑھتے معاملات کے پیش نظر وزیر اعظم نریندر مودی آج وزرائے اعلی سے بات چیت کریں گے، اسی دوران وہ اس وبا کی تازہ ترین صورتحال کے ساتھ ساتھ ملک بھر میں جاری ویکسینیشن مہم کا جائزہ لیں گے۔
ذرائع کے مطابق وزرائے اعلی کے ساتھ بات چیت شام ساڑھے چھ بجے ہوگی، اسی دوران کورونا کی موجودہ صورتحال سے نمٹنے کے لیے کوئی بڑا فیصلہ لیا جاسکتا ہے۔
