نوئیڈا کے پرائمری اسکولوں میں تعلیم و تدریس کا عمل شروع

کورونا وائرس کی دوسری لہر ختم ہونے کے بعد اتر پردیش کے ضلع گوتم بدھ نگر نوئیڈا سمیت یوپی کے پرائمری اسکولوں میں درجہ ایک سے پانچ تک کی تعلیم و تدریس کا عمل شروع ہو گیا ہے۔

تاہم اس دوران کووڈ پروٹوکول کا مکمل خیال رکھا گیا۔ کورونا پروٹوکول کو مدنظر رکھتے ہوئے ضلع کے بیسک ایجوکیشن کے تمام کونسل اسکولوں میں بچوں کا استقبال کیا گیا۔

درجہ اول سے پنجم کے بچوں کے لیے فزیکل کلاسز شروع ہو چکی ہیں۔ پہلے دن بچوں کی حفاظت کو مدنظر رکھتے ہوئے تمام انتظامات کیے گئے ہیں۔

ہر کلاس روم کو سینیٹائز کیا گیا ہے۔

ڈسٹرکٹ بیسک ایجوکیشن آفیسر ڈی کے سکسینہ نے کہا کہ اسکولوں میں کورونا پروٹوکول کا خاص خیال رکھا جا رہا ہے۔

ویکسینیشن کے لئےاساتذہ کے ساتھ ساتھ دیگر ممبران کو بھی ہدایات دی گئی ہیں۔

ویکسین لے چکے اساتذہ ہی بچوں کو پڑھائیں گے۔
ریاستی حکومت کی ہدایات کے مطابق اسکول دو شفٹوں میں چلیں گے۔

تاہم کچھ والدین تیسری لہر کے خوف سے اپنے بچوں کو سکول بھیجنے کے حق میں نہیں ہیں۔

والدین تیسری لہر اور اپنے بچوں کی حفاظت کے بارے میں فکر مند ہیں۔

گوتم بدھ نگر میں بنیادی تعلیم کے 577 پرائمری اور ہائی سکول ہیں۔

یہاں تین کستوربا گاندھی ودیالے بھی ہیں۔ ان سکولوں میں تقریبا 86 ہزار طلباء زیر تعلیم ہیں۔