اتر پردیش کو گڈ گورننس ریاست کہلانے کا حق نہیں: سچن چودھری

سچن چودھری نے کہا کہ اترپردیش کو گڈ گورننس کی ریاست بتارہے ہیں جب کہ ابھی دو دن پہلے ہی ایک آدمی نے میرے آفس میں توڑپھوڑ کی اس کی گرفتاری ابھی تک نہیں ہوسکی ایک خاتون اپنی بیٹی کی تلاش کو لیکر ایک ماہ سے زیادہ دھرنے پر بیٹھی ہوئی ہے کیا یہ گڈ گورننس ریاست ہے۔

اتر پردیش کانگریس کمیٹی کے ریاستی سیکریٹری سچن چودھری نے اپنے دفتر پر ایک پریس بریفنگ کرکے ریاستی حکومت کی مدت کا بیورو دیا ہے۔

سچن چودھری نے وزیر اعلیٰ یوگی آدتیہ ناتھ کے ذریعہ ریاست میں کی گئی ترقی کی کامیابیوں پر بات کرتے ہوئے کہا کہ کسانوں کے بجلی کے بل 3000 روپیہ ماہ آرہے ہیں لیکن سرکار کو کسانوں کی کوئی پرواہ نہیں۔

اتر پردیش کو گڈ گورننس کی ریاست بتارہے ہیں جب کہ ابھی دو دن پہلے ہی ایک آدمی نے میرے آفس میں توڑ پھوڑ کی اس کی گرفتاری ابھی تک نہیں ہوسکی ایک خاتون اپنی بیٹی کی تلاش کو لیکر ایک ماہ سے زیادہ دھرنے پر بیٹھی ہوئی ہے۔ کیا یہی گڈ گورننس ریاست ہے۔

سچن چودھری نے کہا کہ کہا جارہا ہے کہ لوگ ریاست میں سرمایہ کاری کررہے ہیں پہلے ریاست میں صنعت کار سرمایہ کاری کرنے سے ڈرتے تھے۔

اس پر انہوں نے کہا کہ ایک بھی کمپنی کا نام بتادیجئے جس کمپنی نے ریاست میں سرمایہ کاری کی ہو، پٹرول ڈیزل اور گیس کے داموں سے عوام کافی پریشان ہیں۔