صدر جمہوریہ رام ناتھ کووند کی طبیعت ناساز ہونے کے باعث انہیں دہلی کے آرمی اسپتال میں داخل کیا گیا ہے۔طبعیت خراب ہونے کی وجہ سے ان کا یکم اپریل کو ہر ی دوار کا دورہ منسوح کر دیا گیا ہے۔
ہری دوار میں صدر جمہوریہ کی آمد کے پیش نظر تیاریاں زوروں پر تھیں۔ صدر جمہوریہ کے اچانک طبیعیت ناساز ہونے کے سبب ان کا یہ دورہ منسوخ کر دیا دگیا ہے۔
در اصل صدر جمہوریہ ہری دوار پتنجلی یونیورسیٹی میں تقسیم اسناد تقریب میں شامل ہونے والے تھے۔ تاہم رام ناتھ کووند کی طبعیت اچانک ناساز ہونے کے سبب یہ تقریب ملتوی کردی گئی ہے۔ بتایا جا رہا ہے آنے والے وقت میں جب صدر جمہوریہ صحت مند ہوجائیں گے اس کے بعد اس تقریب کا انعقاد کیا جائے گا ۔
آج صبح صدر جمہوریہ رام ناتھ کووند کی طبیعیت اچانک ناساز ہوگئی۔ سینے میں درد کی شکایت کے بعد انہیں دہلی میں واقع آرمی اسپتال میں داخل کیا گیا۔ ڈاکٹروں کی نگرانی میں ان کا روٹین چیک اپ چل رہا ہے۔ ڈاکٹروں کا کہنا ہے کہ ان کی حالت مستحکم ہے۔ فکر کی کوئی بات نہیں ہے۔
