مغربی بنگال میں پولیس ڈے منایا گیا

وزیراعلیٰ ممتا بنرجی کی ہدایت پرریاست کے تمام اضلاع میں آج پولیس ڈے کا اہتمام کیا گیا۔ یہ پہلا موقع ہے جب ریاست کے تمام اضلاع میں پولیس کے لیے خصوصی دن مقرر کیا گیا۔

ریاست مغربی بنگال میں یہ پہلی بار ریاست کے تمام اضلاع میں پولیس اہلکاروں کے لیے خصوصی دن مقرر کیا گیا۔

تمام اضلاع کے پولیس اسٹیشنوں کے سامنے قومی پرچم ترنگا، نیتاجی سبھاش چندر بوس کی تصویر لگائی گئی۔ اس کے ساتھ ساتھ وزیراعلیٰ ممتا بنرجی کی تصویر بھی لگائی گئی۔

ڈیوٹی پر تعینات پولیس اہلکاروں سے اس سلسلے میں بات چیت کرنی کی کوشش کی تو کیمرے کے سامنے کچھ بھی کہنے سے انکار کر دیا۔

انہوں نے کہا کہ وزیراعلیٰ ممتا بنرجی کی ہدایت پر آج پولیس ڈے کے موقع پر پولیس اہلکاروں کی حوصلہ افزائی کے لئے خصوصی بیچ لگایا گیا ہے۔ پولیس اہلکاروں نے اپنی اپنی وردی پر پولیس ڈے کی حمایت اور تشہیر کے لئے بیچ لگا رکھے تھے۔

ان کا کہنا ہے کہ ہر سال مغربی بنگال میں پولیس ڈے کا اہتمام کیا جانا چاہیے۔

اگلے سال پولیس کے لئے خصوصی دن کے موقع پر تقریبات کے اہتمام کئے جائیں گے۔