کوہیما: ناگالینڈ کے پیرن ضلع کے لامہینامڈی گاؤں میں منگل کی رات ناگالینڈ آرمڈ پولیس (این اے پی) کے ایک کانسٹیبل نے اپنے دو ساتھیوں کو گولی مار کر ہلاک کر دیا۔ سرکاری ذرائع نے جمعرات کو یہ اطلاع دی۔ Constable kills two colleagues in Nagaland
سرکاری ذرائع کے مطابق، مرنے والوں کی شناخت 10 این اے پی(انڈین ریزرو بٹالین) کی 'اے' کمپنی کے کیوی شیکھو کھاتے (34) اور ٹی جیوامبا یم (35) کے طور پر کی گئی اور ملزم جوان جینیس یوشو ہے جو این اے پی رینجرز کے خصوصی ٹاسک فورس کے ایم ٹی دستے میں تعینات میں۔ واضح رہے کہ یہ واقعہ منگل کی رات تقریباً آٹھ بجے پیش آیا جب ملزم نے اپنے دونوں ساتھیوں پر 13 راؤنڈ گولیاں چلائیں۔ ملزم کو گرفتار کرکے پولیس کی تحویل میں لے لیا گیا ہے۔ ملزم کے خلاف پیرن ضلع کے تحت جالوکی پولیس اسٹیشن میں ایف آئی آر درج کی گئی تھی۔
