وزیراعظم نریندر مودی منگل کے روز انفراسٹرکچر سیکٹر میں بجٹ کے موثر نفاذ کے لئے روڈ میپ پر مشاورت کے لئے ویبنار سے خطاب کریں گے۔
پی آئی بی کے ذریعہ جاری ریلیز کے مطابق وزیر اعظم منگل کو شام چار بجے انفراسٹرکچر سیکٹر میں مرکزی بجٹ سال 2021-22 کے موثر نفاذ کے لئے روڈ میپ پر مشاورت کے لئے ویبنار سے خطاب کریں گے۔
ویبنار میں 200 سے زائد پینللسٹ شرکت کریں گے جس میں بڑے مالیاتی اداروں اور فنڈز کے نمائندے، مراعات یافتہ ٹھیکیداروں، کنسلٹنٹس اور متعلقہ شعبے کے ماہرین شامل رہیں گے ۔
پینل کے ماہرین جدید ٹیکنالوجی پر توجہ دینے اور اس شعبے میں مزید سرمایہ کاری کرنے کے ساتھ بنیادی ڈھانچے کی ترقی اور اس کے معیار کو بہتر بنانے سے متلعلق اپنے خیالات کا اظہار کریں گے۔
اس کے بعد دو متوازی بریکآؤٹ سیشنز ہوں گے جن میں وزارتی گروپوں کے اعلیٰ عہدیداروں اور کراس سیکشن کے ماہرین کے مابین بات چیت شامل ہے تاکہ بجٹ کے نقطہ نظر پر تیزی سے عمل درآمد اور قابل عمل روڈ میپ تیار کرنے کے لئے قابل عمل منصوبوں کی ایک فہرست مرتب کی جاسکے۔ حتمی حکمت عملی کے نفاذ کے بارے میں اسٹیک ہولڈرز کے ساتھ جاری مشاورت کا بھی منصوبہ بنایا گیا ہے۔
