نئی دہلی: وزیر اعظم نریندر مودی نے جمعہ کو ناروے کے وزیر اعظم جوناس گیر اسٹور کے ساتھ ٹیلی فون پر بات چیت کی۔ وزیراعظم دفتر سے جاری بیان کے مطابق دونوں رہنماؤں نے باہمی دلچسپی کے دوطرفہ اور بین الاقوامی امور پر تبادلہ خیال کیا۔PM Modi interacted with Norwegian PM
بات چیت کے اہم موضوعات میں ترقی پذیر ممالک میں قابل تجدید توانائی کے پروجیکٹوں کے لیے آب و ہوا کی تبدیلی کی مالی امداد میں اضافے کا معاملہ بھی شامل تھا۔ بیان کے مطابق وزیر اعظم مودی نے آب و ہوا کی تبدیلی سے متعلق پروجیکٹوں کے لیے ترقی پذیر ممالک کو بروقت اور مناسب فنڈ فراہم کرنے کی اہمیت پر زور دیا۔
بیان میں کہا گیا ہے کہ مودی نے اس مسئلہ پر وزیر اعظم اسٹور کے عزم کی تعریف کی۔ مودی اور اسٹور نے ہندوستان اور ناروے کے درمیان دو طرفہ تعاون کے لئے جاری مختلف اسکیموں اور اقدامات کی پیشرفت کا جائزہ لیا جس میں سمندر پر مبنی معیشت کے شعبے میں تعاون پر ٹاسک فورس کی پہل شامل ہے۔ دونوں رہنماؤں نے گرین ہائیڈروجن، شپنگ، سائنس و ٹیکنالوجی اور تعلیم کے شعبوں میں دوطرفہ تعاون میں توسیع پر اطمینان کا اظہار کیا۔
یہ بھی پڑھیں: Queen Elizabeth II Death صدر مرمو اور مودی نے الزبتھ کی موت پر تعزیت کا اظہار کیا
یو این آئی
