وزیر اعظم نریندر مودی اتر پردیش کے دورے پر ہیں۔ انہوں نے سدھارتھ نگر میں منعقدہ پروگرام کے دوران مختلف اضلاع میں 9 میڈیکل کالجوں کا افتتاح کیا۔
اترپردیش کے ایک روزہ دورے پر یہاں پہنچنے کے بعد مودی نے اترپردیش کی گورنر آنندی بین پٹیل، ریاست کے وزیر اعلیٰ یوگی آدتیہ ناتھ اور مرکزی وزیر صحت منسکھ مانڈویا کی موجودگی میں نو مختلف اضلاع میں واقع میڈیکل کالج کا افتتاح کیا۔
یہ کالج 2329 کروڑ روپے کی لاگت سے سدھارتھ نگر، ایٹہ، ہردوئی، پرتاپ گڑھ، دیوریا، غازی پور، مرزا پور، فتح پور اور جون پور اضلاع میں بنائے گئے ہیں۔ اس کے لیے منعقد پروگرام میں مودی نے ریموٹ کنٹرول سے تمام نو اضلاع میں میڈیکل کالجز کا افتتاح کیا۔
یہ بھی پڑھیں: مقبول شیروانی: پاکستان حملہ آوروں کے خلاف بھارتی فوج کے مددگار
اس موقع پر منعقدہ جلسۂ عام سے خطاب کرتے ہوئے وزیر اعلیٰ یوگی آدتیہ ناتھ نے کہا کہ ان نوتعمیر شدہ میڈیکل کالجوں کے افتتاح کے بعد اب لوگوں کو اپنے اپنے اضلاع میں ہی صحت کی بہتر سہولیات دستیاب ہوں گی۔
یو این آئی
