مرادآباد:بجلی کے مسئلہ سے پریشان عوام

مقامی لوگوں کا کہنا ہے کہ یہاں سب سے بڑا مسئلہ بجلی کا ہے، بجلی کے تار جگہ جگہ ٹوٹے ہوئے ہیں، اکثر ٹرانسفارمر خراب ہوجاتا ہے، وقت پر بجلی نہیں آتی ہے جس کے سبب تاجروں کے علاوہ عوام کو کافی پریشانیوں کا سامنا کرنا پڑتا ہے۔

ریاست اترپردیش کے ضلع مرادآباد کے مونڈھا پانڈے بلاک کے مقامی لوگوں نے ای ٹی وی بھارت کے سامنے اپنے مسائل کو بیان کیا اور حکومت سے جلد از جلد ان کو حل کرنے کا مطالبہ کیا، مونڈھا پانڈے بلاک ایک ایسا علاقہ ہے جس کے تحت تقریبا سو گاؤں آتے ہیں اور ان سو گاؤں کی تقریبا 70 گرام پنچایتیں ہیں یعنی 70 پردھان ہیں اور ان گاؤں میں سب سے بڑی پریشانی بجلی کی ہے۔

انہوں نے کہا کہ سڑکیں بھی خستہ حالی کا شکار ہیں، جگہ جگہ بڑے بڑے گڈھے ہیں، سرکاری اسپتال کے انتظامات درست نہیں ہیں جس کے سبب مقامی لوگ بہتر علاج کے لیے شہروں کا رخ کرتے ہیں۔

مقامی لوگوں کا کہنا ہے کہ یہاں سب سے بڑا مسئلہ بجلی کا ہے، بجلی کے تار جگہ جگہ ٹوٹے ہوئے ہیں، اکثر ٹرانسفارمر خراب ہوجاتا ہے، وقت پر جبلی نہیں آتی ہے جس کے سبب تاجروں کے علاوہ عوام کو کافی پریشانیوں کا سامنا کرنا پڑتا ہے۔

انہوں نے کہا کہ متعدد مرتبہ انتظامیہ سے اسکی شکایت کی گئی ہے لیکن مسائل حل نہیں ہوتے بیشتر شکایتیں نظر انداز کر دی جاتی ہیں، حکومت سے ہمارا یہی مطالبہ ہے کہ بلاک کے مسائل پر سنجدگی سے غور کیا جائے اور اس کے حل کی کوشش کی جائے۔