ایشیا کپ میں آج دنیائے کرکٹ کا سب سے ہائی وولٹیج میں کھیلا جا رہا ہے۔ یہ میچ بھارت اور اس کے روایتی حریف پاکستان کے درمیان دُبئی میں کھیلا جا رہا ہے، جس میں پاکستان نے ٹاس جیت کر بھارت کو بلے بازی کی دعوت دی ہے۔ Asia Cup 2022
ایشیا کپ 2022 میں بھارت اور پاکستان ایک بار پھر آمنے سامنے ہیں، اس میچ میں پاکستان پچھلی شکست کا بدلہ لینے کی پوری کوشش کرے گا جبکہ بھارت اپنے پڑوسی حریفوں کے ساتھ جیت کا سلسلہ جاری رکھنے کی کوشش کرے گا۔
ٹاس کے بعد روہت شرما نے کہا کہ میں نے پہلے گیند بازی کرنے کا سوچا تھا لیکن ہم ٹاس ہار گئے لیکن اب ہمیں اس پچ پر آزادانہ طور پر کھیلنے اور اچھے اسکور کا اندازہ لگانے کی ضرورت ہے۔ اس فارمیٹ میں مومینٹم شمار ہوتا ہے۔ روہت نے کہا کہ پلیئنگ الیون کا انتخاب کرنا سر درد تھا - ہاردک کی واپسی ہوئی، دیپک ہڈا اور روی بشنوئی کو بھی اس میچ میں شامل کیا گیا ہے۔ اس کے علاوہ رویندر جڈیجہ زخمی ہونے کی وجہ سے ٹورنامنٹ کے بقیہ تمام میچوں سے باہر ہوگئے ہیں۔
دوسری جانب پاکستانی کپتان بابر اعظم نے کہا کہ اوس ایک عنصر ہو سکتا ہے، یہی وجہ ہے کہ ہم پہلے بولنگ کر رہے ہیں۔ بھارت کے خلاف پچھلے میچ میں ہم بہت پازیٹیو تھے۔ پیغام مثبت انداز میں کھیلنے کا ہے۔ حسنین کے آنے سے ہماری ٹیم میں ایک تبدیلی ہوئی ہے۔
بھارت (پلیئنگ الیون): روہت شرما(کپتان)، کے ایل راہُل، وراٹ کوہلی، سوریہ کمار یادو، رشبھ پنت (وکٹ کیپر)، دیپک ہڈا، ہاردک پانڈیا، بھونیشور کمار، روی بشنوئی، یُزویندر چہل، ارشدیپ سنگھ
پاکستان (پلیئنگ الیون): بابر اعظم(کپتان)، محمد رضوان(وکٹ کیپر)، فخر زمان، خوشدل شاہ، افتخار احمد، شاداب خان، آصف علی، محمد نواز، حارث رؤف، محمد حسنین، نسیم شاہ
