پاکستان آرمی کی جانب سے جاری کیے گئے بیان کے مطابق پاکستان کے سیالکوٹ گیریژن کے قریب گولہ بارود کے گودام میں حادثاتی طور پر آگ لگ گئی لیکن اس واقعے کے دوران کوئی نقصان نہیں ہوا۔
پاک فوج کے شعبہ تعلقات عامہ (آئی ایس پی آر) کے مطابق حادثاتی طور پر آگ شارٹ سرکٹ کے باعث لگی۔Accidental fire broke out at Sialkot
پاکستانی فوج کے میڈیا ونگ نے کہا کہ "موثر اور بروقت جوابی کارروائی کے باعث نقصانات پر فوری طور پر قابو پالیا گیا اور آگ پر بھی قابو پالیا گیا ہے، کسی جانی یا مالی نقصان کی اطلاع نہیں ہے"۔
سیالکوٹ کے رہائشیوں کی جانب سے سماجی روابط کی ویب سائٹ ٹوئٹر پر فجر کے وقت پر دھماکوں کی آوازیں سنائی دینے کی شکایات کی گئیں تھی۔ بعدازاں کچھ سوشل میڈیا پر ویڈیو بھی گردش کرنے لگیں جس میں آگ بھڑکتے اور دھواں اٹھتے دیکھا گیا۔
اس کے ساتھ ساتھ سوشل میڈیا پر مختلف قسم کی افواہیں بھی گردش کرنے لگی تھیں اور سیالکوٹ ٹوئٹر پر ٹاپ ٹرینڈ کرنے لگا۔
یہ بھی پڑھیں:
No Confidence Motion in Pakistan: تحریک عدم اعتماد، کیا عمران خان کے سر پر تاج رہے گا؟
واضح رہے کہ پاکستان میں اس وقت سیاسی بحران جاری ہے اور موجودہ حکومت کو اقتدار سے ہٹانے کے لیے تمام اپوزیشن پارٹیوں نے اتحاد کرکے عمران خان کے خلاف تحریک عدم اعتماد پیش کیا ہے۔
جس کی وجہ سے عمران خان کی حکومت کو کافی زیادہ مشکلات کا سامنا کرنا پڑ رہا ہے۔
اس کے علاوہ دارالحکومت اسلام آباد میں اسی ماہ او آئی سی کا اجلاس بھی منعقد ہونے والا ہے۔ اور اس وقت اس طرح کی خبریں آنا پاکستان کے لیے اچھی نہیں ہوسکتی ہے۔
