مرکزی وزیرسیاحت کشن ریڈی نے دہلی میں واقع، نیشنل آرکائیوز آف انڈیا بلڈنگ کا دورہ کیا۔ اس موقع پر انھوں نے بھارت کی تاریخ سے متعلقہ تاریخی دستاویزات کا جائزہ لیا۔
کشن ریڈی نے کہا کہ آرکائیوز آف انڈیا بلڈنگ میں موجود دستور ہند کی اصل کاپیز کو ڈیجیٹلائز کیا جائے گا۔ اور اسے ایپ کی شکل میں دستیاب رکھا جائے گا، تاکہ لوگ بھارت کی تاریخ کو پڑھیں اور اس کو جانیں۔ انھوں نے کہا کہ اس اقدام کے بعد پوری دنیا کے لوگ بھارت کی تاریخ کو ڈیجیٹل طریقے سے پڑھ سکیں گے۔
Supreme Court: سوشل میڈیا پر نفرت پھیلانے کے خلاف دائر درخواست آئندہ ہفتہ کے لیے ملتوی
کشن ریڈی نے کہا کہ دستور ہند کی اصل کاپیز کے مجموعے کے ساتھ ترتیب دیے جانے والے ایپ میں، اصل خطوط، دستور ترتیب دینے والے ارکان کی دستخطوں کی کاپیز، جنگ آزادی کے حالات، عدالتی فیصلے، معاہدے اور مہاتما گاندھی سے متعلقہ خطوط شامل کیے جائیں گے۔
نیشنل آرکائیوز آف انڈیا عمارت میں موجود 18 کروڑ کاغذی صفحات، 57 لاکھ فائلز، 64 ہزار ابواب، اور ایک لاکھ دو ہزار تصاویر کو ڈیجیٹلائز کیا جائے گا۔ اور پھر اسے ایپ پر دستیاب رکھا جائے گا۔
مرکزی وزیرسیاحت نے کہا کہ ملک کی عوام کو دستور کی جانکاری فراہم کرنے اور آسانی کے ساتھ اسے جاننے اور سمجھنے کے لیے یہ ڈیجیٹل اقدام کیا جارہا ہے۔
