نئی دہلی: کھادی کی بڑھتی ہوئی عالمی مقبولیت نے بھارت میں تھائی لینڈ کے سفیر پٹارت ہونگ ٹونگ اور عمان کے سفیر عیسیٰ الشیبانی کو کھادی کی مصنوعات کی وسیع اقسام اور کھادی کاریگروں کی شاندار کاریگری کی تعریف کی ہے۔ ہونگٹونگ اور الشیبانی نے جمعہ کو 41ویں انڈیا انٹرنیشنل ٹریڈ فیئر2022 میں کھادی انڈیا پویلین کا دورہ کیا دونوں سفیروں نے کھادی کی بڑھتی ہوئی عالمی مقبولیت کی تعریف کی اور کھادی پویلین میں 'سیلفی پوائنٹ' پر مہاتما گاندھی اور وزیر اعظم نریندر مودی کی تصویروں کے ساتھ تصویر کھنچوائی۔ کھادی اور گاؤں کی صنعت کمیشن کے ڈائریکٹر سنجیو پوسوال نے ان کا استقبال کیا۔ دونوں سفیروں نے کھادی انڈیا پویلین میں مصنوعات کی وسیع اقسام اور کھادی کاریگروں کی شاندار کاریگری کی تعریف کی۔Thailand Ambassadors appreciates Khadi
ہانگ ٹونگ نے کہاکہ 'میں کھادی اور گاؤں کی صنعت کمیشن کو آئی آئی ٹی ایف میں اس طرح کے ایک عظیم الشان کھادی انڈیا پویلین کے قیام کے لیے مبارکباد پیش کرتی ہوں جس نے کھادی کاریگروں کو اپنی مصنوعات فروخت کرنے کے لیے ایک بہترین پلیٹ فارم فراہم کیا ہے۔ کھادی بھارت اور تھائی لینڈ کے درمیان ایک خاص تعلق کی تشکیل کرتی ہے اور دونوں ممالک کھادی کو پوری دنیا میں فروغ دینے کے لیے ایک ساتھ آنے کے طریقوں پر کام کریں گے۔ ہانگ ٹونگ اور الشیبانی نے چرخہ پر دھاگے کاتنے، مٹی کے برتن اور ہاتھ سے بنے کاغذ بنانے کے طریقوں کا مشاہدہ کیا۔ انہوں نے ہاتھ سے تیار کردہ کھادی کپڑے، ریڈی میڈ گارمنٹس، ہاتھ سے بنے ہوئے زیورات، ہربل ہیلتھ کیئر پروڈکٹس اور دیہی صنعت کی بہت سی مصنوعات کے دیگر اسٹالز کا بھی دورہ کیا۔
یہ بھی پڑھیں: Khadi Exceeds Turnover of Rs 1 Lakh Crore: کھادی نے ایک لاکھ کروڑ روپے کا کاروبار کیا
یواین آئی
