ریاست اترپردیش کے بارہ بنکی ضلع میں کانگریس پارٹی کی طلبہ ونگ بھارتیہ راشٹریہ طلبہ تنظیم (این ایس یو آئی) طلبہ کے درمیان شکشہ بچاؤ، دیش بچاؤ مہم شروع کرے گی۔ اس مہم کے تحت این ایس یو آئی کارکنان ڈگری کالجیز اور یونیورسٹیز میں طلبہ کے درمیان پرچے تقسیم کئے جائیں گے، جس کے ذریعہ یہ بتانے کی کوشش کی جائے گی کہ کس طرح سے مرکزی اور ریاستی حکومت تعلیم کے ساتھ کھلواڑ کر رہی ہے۔ اس مہم کے بعد این ایس یو آئی کے کارکنان دہلی میں پارلیمنٹ کے گھراؤ کرنے کا بھی کام کریں گے۔
مزید پڑھیں:۔ مہنگائی کے خلاف این ایس یو آئی کی مہم
ضلع میں منگل کو این ایس یو آئی کے ریاستی انچارج شوریہ ویر سنگھ نے بتایا کہ جس طرح سے تعلیمی نظام کو نجی کاری کیا جا رہا ہے اور ملازمتوں میں بدعنوانی کی جا رہی ہے۔ ان تمام مسائل کے علاوہ بے روزگار نوجوانوں کو بیدار کرنے کے لئے اس مہم کا آغاز کیا گیا ہے۔
این ایس یو آئی نے شکشہ بچاؤ، دیش بچاؤ مہم شروع کی اس مہم کے تحت ہم ریاست کے تمام اضلاع کے کالجز میں جاکر پرچہ تقسیم کریں گے اور پرینکا گاندھی و راہل گاندھی کی قیادت میں طلبہ کی آواز کو بلند کریں گے۔ انہوں کہا کہ اس مہم کے ذریعہ سرمائی اجلاس کے دوران پارلیمنٹ کو گھیرنے کی بھی کوشش کریں گے۔
