پولیس کے مطابق خاندان کے افراد نے الزام لگایا کہ خاتون نے مزید جہیز کے لئے ہراسانی سے تنگ آکر زہر کھایا۔ نوئیڈا پولیس نے خاتون کے شوہر ، ساس اور سر کو حراست میں لے لیا ہے اور معاملے کی تحقیقات کر رہی ہے۔یہ معاملہ نوئیڈا کے سیکٹر 39 تھانہ کا ہے۔
نوئیڈا زون کے اے ڈی سی پی رن وجے سنگھ نے بتایا کہ سیکٹر 99 کے سپریم ٹاور کا رہائشی امن سنگلا دہلی میں جی ایس ٹی کسٹم اور محکمہ نارکوٹکس میں اسسٹنٹ کمشنر ہیں۔ ان کا تعلق پٹیالہ سے ہے۔
امن نے 6 ماہ قبل اکتوبر میں سنگرور پنجاب کی رہائشی حنا سنگلہ سے شادی کی تھی۔ حنا سی اے کر چکی تھیں اور آخری سال ایل ایل بی میں زیر تعلیم تھی۔ ان کی خالہ کا الزام ہے کہ امن اس کی والدہ اور والد شادی کے بعد جہیز کے لئے حنا کو ہراساں کرتے تھے۔ اس کی وجہ سے گھر میں تنازعہ رہتا تھا۔
حنا کی خالہ چند دن قبل سمجھوتہ کے لئے چندی گڑھ سے نوئیڈا آئیں تھیں۔ سپریم ٹاور کے فلیٹ میں خالہ دونوں فریقین کے مابین معاہدے پر بات چیت کرنے کی کوشش کر رہی تھیں ، اس دوران امن نے اپنی اہلیہ کے ساتھ بدتمیزی کی۔
جس سے ناراض ہو کر حنا نے زہر کھالیا جس کے بعد اس کی حالت بگڑنے لگی۔ حنا کو فوری ہسپتال میں داخل کرایا گیا جہاں اس کی حالت نازک بتائی جارہی ہے۔پولیس نے امن کے ساتھ ساتھ اس کے والدین کو بھی حراست میں لے لیا ہے۔
