کوہیما: ناگالینڈ میں بھارتیہ جنتا پارٹی (بی جے پی) کی تیونسانگ یونٹ کے صدر نے آئندہ اسمبلی انتخابات کے لیے اپنی پارٹی کے امیدوار کے لیے حالیہ تشہیری مہم کے دوران ایک عیسائی گیت استعمال کرنے کے لیے عوامی طور پر معافی مانگی ہے۔ تیونسانگ بی جے پی یونٹ کے میڈیا سیل کی طرف سے جاری کردہ ایک بیان میں کہا گیا ہے کہ یہ واضح ہے کہ گیت کے استعمال سے عیسائی برادری کے جذبات کو ٹھیس پہنچی ہے۔
Assembly Election 2023 Dates تریپورہ، ناگالینڈ اور میگھالیہ اسمبلی انتخابات کے تاریخوں کا اعلان
پارٹی نے واضح کیا کہ اس کا توہین مذہب کا ارادہ نہیں تھا اور 'امیدوار کی حمایت کے اظہار' کے لیے گانے کا استعمال 'مکمل جہالت اور لاعلمی' کا نتیجہ تھا۔ بی جے پی یونٹ نے کہا کہ گیت اس کی مذہبی اہمیت کو مدنظر رکھتے ہوئے منتخب کیا گیا تھا اور اب انہیں اس غلطی پر بہت افسوس ہے۔ انہوں نے مسیحی برادری سے معافی مانگی اور امید ظاہر کی کہ یہ واقعہ ان کے عقیدے کو فروغ دینے میں مدد دے گا اور مستقبل میں ناگا عقیدت مندوں کو مزید محتاط بنانے میں معاون ہوگا۔ واضح رہے کہ ناگالینڈ، میگھالیہ اور تریپورہ میں اسمبلی انتخابات کے تاریخوں کا اعلان ہو چکا ہے۔ ناگالینڈ اور میگاھلیہ میں 27 فروری کو جب کہ تریپورہ میں اس سے پہلے 16 فروری ووٹ ڈالے جائیں گے۔ وہیں دو مارچ کو انتخابی نتائج کا اعلان کیا جائے گا۔
یواین آئی
