کانگریس سے مسلمانوں کی وابستگی بڑھ رہی ہے: جاوید خان

نوئیڈا کے نارتھ بلاک کے صدر جاوید خان نے مسلمانوں کو لگتا ہے کہ کانگریس وہ واحد پارٹی ہے جو سب کے مفادات کا تحفظ کرتی ہے اور سب کو یکساں نظر سے دیکھتی ہے۔ قومی سطح پر مسلمانوں کی سیاست میں جو خلا آیا ہے کانگریس اسے پر کرنے کی صلاحیت رکھتی ہے۔

اتر پردیش میں اسمبلی انتخابات کی تیاریوں میں مصروف کانگریس گھرگھرجاکر عوام سے را بطہ قائم کر رہی ہے۔

کانگریس پارٹی بی جے پی سرکار کی عوام مخالف پالیسیوں کا فائدہ اٹھانے کی جدوجہد میں مصروف ہے۔ اسے یقین ہے کہ مسلمان پھر کانگریس سے جڑنے لگے ہیں۔

اترپردیش کے ضلع گوتم بدھ نگر نوئیڈا کے نارتھ بلاک کے صدر جاوید خان نے خصوصی ملاقات میں بتایا کہ اس بار اترپردیش اسمبلی انتخابات میں تبدیلی دیکھنے کو ملے گی۔

تین دنوں میں کانگریسیوں نے عظیم رابطہ مہم کے تحت ضلع میں ایک لاکھ سے زائد لوگوں سے رابطہ کیا اور پارٹی کے نظریہ سے آگاہ کیا۔

جاوید خان نے کہا کہ مسلمانوں کا رجحان بھی کانگریس کی جانب بڑھا ہے۔

مسلمانوں کو لگتا ہے کہ کانگریس وہ واحد پارٹی ہے جو سب کے مفادات کا تحفظ کرتی ہے اور سب کو یکساں نظر سے دیکھتی ہے۔کانگریس قومی سطح پر مسلمانوں کی سیاست میں جو خلا آیا ہے اسے پر کرنے کی صلاحیت رکھتی ہے۔

کانگریس زمین سے جڑی ہوئی پارٹی ہے۔مسلمانوں نے دیگر پارٹیوں کو آزما کر دیکھ لیا ۔لہذا سب کانگریس کی جانب لوٹ رہے ہیں اور یہ ان کے لئے بہتر متبادل بھی ہو گا۔

کانگریس سے جڑ کر ان کا اعتماد بحال ہوا ہے۔جاوید خان نے کہا کہ کانگریس ضلع سطح پر تنظیم کو مضبوط کر رہی ہے اور عوام کے مسائل کی جنگ لڑ رہی ہے۔