تہاڑ جیل میں قید ملزم سشیل کمار اپنے سیل میں اولمپک کھیلوں کا لطف اٹھا سکیں گے۔ جیل انتظامیہ سے ٹی وی انسٹال کرنے کی ان کی مانگ کو منظوری مل گئی ہے۔ جیل میں کثیر تعداد میں قیدی اولمپک کھیلوں کو دیکھنا چاہتے ہیں۔
اس کے مدنظر تہاڑ جیل انتظامیہ قیدیوں کو اولمپک میچز دکھانے لیے ٹی وی انسٹال کرے گی۔ اس لیے ٹی وی اور بڑی اسکرین کا انتظام کیا جائے گا۔
اطلاع کے مطابق جمعہ سے ٹوکیو میں اولمپک کھیلوں کا آغاز ہونے جا رہا ہے۔ اس کھیل میں حصہ لینے کے لیے بھارتی کھلاڑی بھی گئے ہیں۔
وہیں دہلی کی تہاڑ جیل میں اس وقت 16 ہزار قیدی بند ہیں۔ ان میں ریسلنگ کے چیمپیئن رہے سشیل پہلوان بھی شامل ہیں۔ سشیل سمیت بہت سے قیدی جیل کے اندر اولمپک کھیل دیکھنا چاہتے ہیں۔
جیل ذرائع نے بتایا کہ قیدیوں کے مطالبے کی منظوری دے دی گئی۔
