ریاست کیرلا کے ضلع ملاپورام میں منجیری میونسپلٹی کے ایک کونسلر کو نامعلوم موٹر سائیکل سواروں نے ہلاک کردیا۔ انڈین یونین مسلم لیگ (آئی یو ایم ایل) کے متوفی رہنما اور منجیری میونسپلٹی کے کونسلر ٹی عبدالجلیل (52) کو مبینہ حملے میں شدید چوٹیں آئیں اور بدھ کی شام 6 بجے پیرینتھلمنا کے ایک نجی اسپتال میں زخموں کی تاب نہ لاتے ہوئے انتقال کرگئے۔ Motorcyclists kill Municipal Councilor
منجیری پولیس کے مطابق جلیل تین دوستوں کے ساتھ ایک اینووا کار میں سفر کر رہے تھے، اسی دوران موٹر سائیکل سواروں نے ان پر حملہ کر دیا۔ پولیس نے کہا کہ رات تقریباً 11 بجے ہوٹل میں کار پارکنگ کے مسئلہ پر جھگڑا ہوا تھا جس کے سبب یہ حادثہ پیش آ سکتا ہے۔ بائیک سواروں نے مبینہ طور پر کونسلر کی کار کا پیچھا کیا اور راستے میں کار میں سوار کونسلر اور دیگر تین افراد پر حملہ کیا جس کے سبب وہ زخمی ہوگئے، ان کو ایک نجی اسپتال میں داخل کرایا گیا جہاں علاج کے دوران ان کا انتقال ہوگیا۔
مزید پڑھیں:۔ JDU Leader Shot Dead: پٹنہ میں جے ڈی یو رہنما کو گولی مار کر ہلاک کر دیا گیا
ابھی تک حملہ آوروں کی شناخت نہیں ہو سکی ہے۔ منجیری پولیس نے اس سلسلے میں کیس درج کرلیا ہے اور تحقیقات جاری ہے۔ پولیس نے عبدالجلیل کو قتل کرنے والے مرکزی ملزم عبدالمجید کو گرفتار کر لیا ہے۔ پولیس شعیب نامی دوسرے ملزم کی تلاش میں مصروف ہے۔ کونسلر کی موت کے بعد بدھ کو منجیری میونسپلٹی میں ہڑتال کی کال دی گئی۔
