Muharram procession in sambhal : انگاروں پر چل کر شہداء کربلا کی یاد میں ماتم

ضلع سنبھل میں عزاداروں نے آگ کے انگاروں پر چل کر شہداء کربلا کی یاد میں ماتم کیا اور کہا کہ انگاروں پر قرآن کی آیتوں کو پڑھ کر دم کیا جاتا ہے اور سبھی عزادار علم کے سائے میں ماتم کرتے ہیں۔ یہاں پر کئی سالوں سے اس طرح کا ماتم کیا جاتا ہے۔Muharram procession in sambhal

ریاست اترپردیش کے ضلع سنبھل کے سرسی سادات علاقے میں ہر سال کی طرح رواں سال بھی 12 محرم کا جلوس نکالا گیا۔ اس دوران عزاداروں نے آگ کے انگاروں پر چل کر شہداء کربلا کی یاد میں ماتم کیا۔ اس موقع پر عزاداروں نے کہا کہ یہ مہندی کا جلوس ایک قدیمی جلوس ہے اور اس جلوس میں ہم زنجیری ماتم کرتے ہیں اور آگ کے انگاروں پر چل شہداء کربلا کی یاد میں آنسو بہاتے ہیں۔ کربلا میں حضرت امام حسین علیہ السلام نے اپنی شہادت دے کر دین اسلام کو بچایا تھا اور انسانیت کی مثال قائم کی تھی۔ اسی سلسلے میں ہم امام حسین کی یاد میں ماتم کرتے ہیں ان کو یاد کرتے ہیں۔ Muharram procession in sambhal

انہوں نے کہا کہ آگ کے انگاروں پر قرآن کی آیتوں کو پڑھ کر دم کیا جاتا ہے اور سبھی عزادار علم کے سائے میں ماتم کرتے ہیں۔ یہاں پر کئی سالوں سے اس طرح کا ماتم کیا جاتا ہے۔ آگ کا ماتم 12 محرم کو قدیمی مہندی کے جلوس کے دوران کیا جاتا ہے یہ جلوس انجمن زالفقار حیدری کے زیر اہتمام کیا جاتا ہے۔