آئندہ ہفتہ تک دہلی سمیت شمالی ہندوستان میں مانسون کی آمد کی امید نہیں

آئندہ پانچ دن کے دوران ہمالیہ، مغربی بنگال ، سکم ، آسام اور میگھالیہ میں شدید سے شدید بارش ہونے کے امکان ہیں۔ اس کے علاوہ 29 اور 30 ​​جون کو اروناچل پردیش میں تیز بارش ہوسکتی ہے۔

آئندہ ہفتے تک راجستھان ، مغربی اتر پردیش ، ہریانہ ، چنڈی گڑھ ، دہلی اور پنجاب کے کچھ حصوں میں جنوب مغربی مانسون کو آگے بڑھنے کے لیے حالات سازگار نظر آرہے ہیں۔

ہندوستانی محکمہ موسمیات (آئی ایم ڈی) نے ہفتے کو یہ اطلاع دی۔ آئی ایم ڈی حکام کے مطابق جنوب مغربی مانسون کی شمالی حدود باڑمیر ، بھیلواڑہ ، دھول پور ، علی گڑھ ، میرٹھ ، انبالہ اور امرتسر سے گزر رہی ہے۔ آئندہ پانچ دن کے دوران ہندوستان کے شمال مغرب ، وسطی اور مغربی حصوں میں کم بارش ہونے کے امکان ہیں۔ جنوب مغربی ہواؤں سے اگلے پانچ دن کے دوران مغربی بنگال ، سکم اور شمال مشرقی ریاستوں میں بھاری بارش کا امکان ہے۔

انہوں نے کہا کہ آئندہ پانچ دن کے دوران ہمالیہ، مغربی بنگال ، سکم ، آسام اور میگھالیہ میں شدید سے شدید بارش ہونے کے امکان ہیں۔ اس کے علاوہ 29 اور 30 ​​جون کو اروناچل پردیش میں تیز بارش ہوسکتی ہے۔ 30 جون کو ناگالینڈ ، منی پور ، میزورم اور تری پورہ میں بھی تیز بارش ہونے کے امکان ہیں۔

یواین آئی