کانگریس نے کہا کہ وزیراعظم نریندر مودی نے سپریم کورٹ کے سخت موقف اور کانگریس کی قیادت کے دباؤ میں چھ مہینے کے اندر ٹیکہ کاری پر تیسری بار پالیسی بناکر 18 سال سے زیادہ عمر کے لوگوں کو مفت ٹیکہ لگانے کا اعلان تو کردیا لیکن ان کا یہ اعلان اب بھی نقص سے پُر اور آدھا ادھورا ہے۔
کانگریس ترجمان سرجے والا نے پیر کو وزیراعظم مودی کے ملک سے خطاب کرنے کے بعد تمام بالغ شہریوں کو مفت ٹیکہ لگانے کے اعلان پر کہا کہ دیر سے صحیح لیکن کانگریس کے مشورہ کو مان لیا گیا ہے۔ ان کا کہنا تھا کہ اس پالیسی میں خواہ کئی خامیاں ہیں لیکن بار بار کانگریس قیادت کے مشورہ کو ٹھکرانے کے بعد آخر میں عدالت کے دباؤ میں آدھا ہی صحیح لیکن شہریوں کے مفاد کی اس مانگ کو قبول کرلیا گیا۔
ترجمان نے کہا کہ حکومت تیسری بار کورونا ٹیکہ کاری پالیسی لیکر آئی ہے۔ پہلے 16 جنوری کو 45 برس سے زیادہ عمر کے تمام لوگوں کو مفت ٹیکہ لگانے کا فیصلہ کیا۔ اپوزیشن نے تمام شہریوں کے ٹیکہ کاری کی مانگ کی تو دباؤ میں یکم مئی سے 18 سے 45 برس کے لوگوں کی ٹیکہ کاری کا فیصلہ کیا گیا لیکن اس کی ذمہ داری ریاستوں کو سونپ دی گئی۔
یوا ین ائی
