بنگلور: ریاست کرناٹک کے شہر بنگلور کی مرکزی عبادت گاہ حضرت قدوس صاحب عیدگاہ میں عوامی افطار پارٹی کا اہتمام کیا گیا، جس میں علماء کرام سمیت مختلف مذاہب کے رہنماؤں نے شرکت کی اور بھائی چارے کا پیغام دیا۔ Iftar Party in Bangalore اس موقع پر ہندو پنڈت و آرچ بشپ کا کہنا تھا کہ نفرت کا دوسرا نام شکست ہے اور اپنے سیاسی فائدے کے لئے نفرت پھیلانے والے یقینی طور پر ناکام ہوں گے۔ بشپ ڈینیئل نے کہا کہ جب ہندو، مسلم اور سکھ ایک ساتھ متحد ہر کر ایک راہ پر چلیں گے تو فرقہ پرست طاقتوں کی مکمل طور پر ناکامی ہوگی۔
مزید پڑھیں:۔ Iftar Party by Ashok Gahlot: جے پور میں وزیراعلی اشوک گہلوت کی جانب سے افطار پارٹی کا اہتمام
واضح رہے کہ گزشتہ چند ماہ کے دوران ریاست کرناٹک میں سماج دشمن عناصر کی جانب سے مسلمانوں کے خلاف کئی طرح کی مہم چلائی گئیں، جب کہ بی جے پی کی اقتدار والی حکومت نے صرف تماشا دیکھا اور مسلمانوں پر ہوئی ظلم و زیادتی کے خلاف کوئی کارروائی نہیں کی۔ اسی ضمن میں شہر کے قدوس صاحب عیدگاہ میں منعقد کیے گئے افطار پروگرام میں امن و بھائی چارے کا پیغام دیا گیا۔
