لکھنؤ: بین الاقوامی شہرت یافتہ لکھنؤ ٹونڈے کباب کے مالک حاجی رئیس کا 88 برس کے عمر میں انتقال ہوگیا۔ انہیں عیش باغ کے قبرستان میں آج سپرد خاک کیا گیا۔ گزشتہ روز حرکت قلب بند ہونے کی وجہ سے ان کا انتقال ہو گیا۔ جس کے بعد شہر کے سرکردہ شخصیات نے تعزیت پیش کی ہے۔ ان کے بڑے بیٹے نے والد کے انتقال کے غم میں دو روز ٹنڈے کباب چوک میں واقع ہوٹل بند کرنے کا اعلان کیا ہے۔
بین الاقوامی شہرت یافتہ لکھنؤ کا ٹنڈے کباب برسوں سے اپنی منفرد شناخت کا حامل ہے۔ لزیز ذائقے کے شوقین افراد دنیاں بھر سے لکھنؤ کا رخ کرتے ہیں۔ ٹنڈے کباب طویل عرصے سے عوام و خواص کے مابین مقبول ترین ڈش تصور کیا جاتا ہے۔ حاجی رئیس احمد کے آباء و اجداد نے اس کی شروعات کی تھی اور ان کے انتقال کے بعد ان کے بیٹے اس ذمہ داری کو سنبھالیں گے۔
لکھنؤ کے ٹنڈے کباب کی تعریف کئی فلمی اسٹار نے بھی کی ہے اور اسے فلموں میں بھی دیکھایا گیا ہے۔ آج بھی لکھنؤ میں بڑی شخصیات آتی ہے تو ٹنڈے کباب کا ذائقہ ضرور ٹیسٹ کرتے ہیں۔ حاجی رئیس کے انتقال سے ٹنڈے کا ایک روشن عہد ختم ہوگیا۔ اب ان کے اہل خانہ کے افراد اس ذمہ داری کو سنبھالیں گے۔
یہ بھی پڑھیں: Tunde Kabab: ٹنڈے کباب لکھنو کی شناخت کس طرح بنے
