ریاست تلنگانہ کے دارالحکومت حیدرآباد کے شمس آباد ایرپورٹ پر سی آئی ایس ایف نے ایک مسافر کے پاس سے بڑے پیمانہ پر بیرونی کرنسی کو ضبط کرلیا۔
اس مسافر کی شناخت 36 سالہ سید خالد کے طور پر کی گئی ہے۔ وہ فلائٹ نمبر FZ-440 کے ذریعہ دبئی جارہے تھے۔
ان کے سامان کی تلاشی کے دوران مشتبہ شئے کے ہونے کا پتہ چلا، بعد ازاں جب سامان کی تلاشی لی گئی تو بڑے پیمانہ پر سعودی ریال پائے گئے جن کی مالیت بھارتی کرنسی میں 13 لاکھ روپئے ہے۔ یہ کرنسی کپڑوں میں چھپاکر رکھی گئی تھی۔
مزید پڑھیں:۔ شمس آباد ایئرپورٹ پر بڑے پیمانہ پر بیرونی کرنسی ضبط
فوری طور پر ایئرپورٹ کے کسٹم کے عہدیداروں کو چوکس کیا گیا اور ضبط شدہ کرنسی کسٹم کے عہدیداروں کے حوالے کردی گئی۔ مسافر کے خلاف معاملہ درج کرلیا گیا ہے۔
(یو این آئی)
