حکومت کرناٹک کی جانب سے مختلف میدانوں میں نمایاں خدمات کے لئے ریاست کی 8 شخصیات کو شہر کے چترکلا پریشد میں منعقدہ اجلاس میں 'ہرودیاونتا' ایوارڈز سے نوازا گیا جن میں تعلیمی شعبے میں نمایاں خدمات انجام دینے کے سلسلے میں فیلکن گروپ آف انسٹیٹیوشنز کے ڈائریکٹر اور پرائم منسٹرز 15 پوائنٹ پروگرام کے ریاستی کمیٹی کے ممبر کو وزیر برائے کنڑا اینڈ کلچر کے ہاتھوں 'ہرودیاونتا' ایوارڈز سے نوازا گیا۔
اس ضمن میں آل انڈیا مسلم پرسنل لاء بورڈ کے ترجمان مولانا ابو طالب رحمانی نے عبد السبحان کو مبارکباد پیش کیں اور ان کی خدمات کو سراہا۔ اس موقع پر بات کرتے ہوئے عبد السبحان نے طلبہ کو یہ پیغام دیا کہ وہ غربت اور جہالت کے اندھیرے کو علم کی شمع جلا کر منور کریں۔
مزید پڑھیں: 'بسواکلیان سے بی نارائین راؤ کی اہلیہ کو ٹکٹ دیا جائے'
اس موقع پر آل انڈیا مسلم پرسنل لاء بورڈ کے ترجمان مولانا ابو طالب رحمانی نے بتایا کہ' علم کی روشنی کو دور تک پھیلانے کے لئے مساجد و مدارس کی خدمات کرنی ہونگی اور مکاتب کے نظام کا مضبوط کرنا ہوگا'۔
