کرناٹک کونسل کانگریس اپوزیشن رہنما ایس آر پاٹل نے کہا کہ صوفی سنتوں نے ہمیشہ ملک میں امن و بھائی چارہ کا پیغام دیا ہے، گلبرگہ شہر صوفی سنتوں کا شہر ہے، یہاں پر گنگا جمنی تہذیب دیکھنے کو ملتی ہے۔ اس لیے یہاں کی قدیم اپا مندر اور درگاہ حضرت خواجہ بندہ نواز میں حاضری دی۔
انہوں نے کہا کہ کورونا وائرس کی پہلی و دوسری لہر اور گزشتہ دنوں آئے سیلاب سے یہاں کے کسانوں کو کافی نقصان ہوا ہے تاہم ایسے حالات میں مرکزی و ریاستی حکومت نے عوام کو امداد فراہم نہیں کی۔ حکومت یہاں کی عوام کے لیے خصوصی پیکیج کا اعلان کرے۔
مزید پڑھیں:۔ کرناٹک: کانگریس رہنما کے چار ملازمین کورونا مثبت
انہوں نے مزید کہا کہ حکومت کی جانب سے آئندہ کورونا وائرس کی تیسری لہر کے پیش نظر ابھی سے اسپتالوں میں بیڈس اور آکسیجن کی سہولیات فراہم کرائی جائے، ملک میں کورونا وائرس سے پہلی موت گلبرگہ میں ہوئی تھی لیکن یہاں مرکزی اور ریاستی حکومت نے کورونا مریضوں کے علاج کے لئے بہتر سہوت فراہم نہیں کرائی۔
ایس آر پاٹل نے کہا کہ کورونا وائرس سے یہاں کئی افراد کی اموات ہوئی ہے تاہم ان کے اہل خانہ کے لیے کوئی مالی امداد نہیں دی گئی، اس لئے ریاستی حکومت یہاں کے عوام کے لئے مالی امداد کا اعلان کریں۔
