ریاست مدھیہ پردیش کانگریس کے صوبائی صدر اور سابق وزیر اعلی کمل ناتھ نے شیو راج سنگھ چوہان حکومت کے کورونا پابندیوں کو ہٹانے کے فیصلے پر سوال اٹھایا ہے۔ کمل ناتھ نے کہا کہ ایسا لگ رہا ہے کہ یہ فیصلہ جلد بازی میں لیا گیا ہے۔ حکومت نے عوام کو اب بھگوان بھروسے چھوڑ دیا ہے۔ حکومت اپنی ذمہ داری سے بھاگ رہی ہے۔
دراصل وزیراعلی شیوراج سنگھ چوہان نے کورونا سے متعلق تجزیاتی میٹنگ کے بعد ریاست سے کورونا کے پیش نظر نافذ کی گئی سبھی پابندیوں کو ہٹانے کا اعلان کردیا ہے۔ اس معاملے پر ٹویٹ کرتے ہوئے سابق وزیر اعلی نے کہا کہ حکومت کو اچانک تمام پابندیاں ہٹانے کے بجائے رفتہ رفتہ مرحلہ وار پابندیوں میں رعایت دینی چاہیے تھیں۔
مزید پڑھیں:۔ شیو راج نے کمل ناتھ کے کورونا والے بیان پر سخت ردعمل کا اظہار کیا
انہوں نے کہا کہ کیا حکومت نے اس فیصلے کو اختیا کرنے سے قبل کورونا گائیڈ لائن پر عمل کروانے کا پورا انتظام کر لیا ہے؟ حکومت کے اس فیصلے کے بعد اگر انفیکشن بڑھتا ہے یا جانوں کا نقصان ہوتا ہے تو کیا ریاستی حکومت اس کی ذمہ داری لے گی؟
