تلنگانہ کے وزیراعلی کے چندر شیکھرراو کو مہاراشٹر کے ہم منصب رہنما اُدھوٹھاکرے نے فون کرتے ہوئے بی جے پی اور وزیراعظم مودی کے خلاف چندر شیکھر راؤ کی جد و جہد کی حمایت کی۔
کے چندر شیکھرراو 20 فروری کو پڑوسی ریاست مہاراشٹر کا دورہ کریں گے جہاں دارالحکومت ممبئی میں ان کی ملاقات وزیراعلی اُدھو ٹھاکرے سے ہوگی۔
یہ ملاقات مرکز کی مودی زیر قیادت این ڈی اے حکومت کے خلاف مختلف سیاسی جماعتوں کو متحد کرنے کی مہم کا ایک حصہ ہوگی۔
مہاراشٹر کے وزیراعلی نے وفاقی انصاف کے لئے چندر شیکھر راو کی جدوجہد کی مکمل حمایت کی ہے۔ اس بات کا دعوی کرتے ہوئے کہ وہ بی جے پی کے خلاف مختلف اپوزیشن جماعتوں کو متحد کرنے میں اہم رول ادا کریں گے۔
مزید پڑھیں:۔ Kerala CM Meets KCR: کیرالہ کے وزیراعلی نے حیدرآباد میں کے سی آر سے ملاقات کی
چندرشیکھرراو نے کہا تھا کہ وزیراعظم مودی کی زیرقیادت این ڈی اے حکومت کو اس کی عوام مخالف پالیسیوں کی وجہ سے بے دخل کرنا چاہئے۔ وزیراعلی کے دفتر نے کہا کہ ٹھاکرے کی دعوت پر راو ان سے ملاقات کریں گے۔ یہ ملاقات لنچ پر ہوگی۔
اس ملاقات میں وزیراعظم کے خلاف چندرشیکھرراو کے احتجاج کو شیوسینا کی حمایت کے سلسلہ میں تبادلہ خیال کیا جائے گا۔ پہلے ہی تمل ناڈو کے وزیراعلی ایم کے اسٹالن کے ساتھ ساتھ مغربی بنگال کی وزیراعلی ممتابنرجی، راو کے ساتھ رابطہ میں ہیں۔ قبل ازیں منگل کو سابق وزیراعظم دیوے گوڑا نے تلنگانہ کے وزیراعلی سے فون پر بات کرتے ہوئے بی جے پی کی تقسیم کی سیاست کے خلاف ان کی جدوجہد کی مکمل حمایت کی تھی۔
(یو این آئی)
