فٹ پاتھ پر ہی اب افلاس و غربت کی زندگی جینے والوں کی گزر بسر ہورہی ہے۔ غربت وافلاس کے سبب ان کے اپنے بچوں کے مستقبل کو لیکر کچھ بہتر سوچنے کی قوت بھی ان میں نہیں ہوتی، لیکن کچھ ایسے لوگ ہیں جو ان ننھے بچوں کی کفالت کا بیڑہ اٹھالیتے ہیں۔
وہ یہ بھول جاتے ہیں کہ دنیا انہیں نظر انداز کرچکی ہے۔ یہ جانتے ہوئے بھی کچھ ایسے لوگ ہیں جو اس طبقے اور افلاس و غربت کی باہوں میں قید ننھے بچوں کی تعلیم کی ذمہ داری اٹھالیتے ہیں۔ یہاں ذات پات اور مذہب سب بالائے طاق رکھ کر ان ننھے بچوں کو تعلیم سے آراستہ کیا جارہا ہے۔
غریب بچوں کو تعلیم سے آراستہ کراتی یہ بیٹیاں یہ ذمہ داری لینے والی 24 برس کی دوشیزہ ہیمانتی سین ہیں جو روزانہ ان ننھے بچوں کو اسی فٹ پاتھ پر بچوں کو تعلیم سے آراستہ کررہی ہیں۔
ہیمانتی جنون نام کی ایک غیر سرکاری تنظیم کی سربراہ ہیں۔ ہیمانتی کہتی ہیں کہ ابتداء میں یہ کام تھوڑا مشکل تھا لیکن ہم نے جب ان لوگوں سے ملاقات کی اور تعلیم کی اہمیت انہیں سمجھائی اور جب انہیں پتا چلا کہ اسکول خود ان کی دہلیز پر ہے تو انہوں نے انکار بھی نہیں کیا۔
غریب بچوں کو تعلیم سے آراستہ کراتی یہ بیٹیاں ہیمانتی اس وقت ممبئی کے متعدد علاقوں میں 70 سے زائد بچوں کے گھروں میں علم کی شمع روشن کررہی ہیں۔ ان کا کہنا ہے کہ ان ننھے بچوں کو صرف تعلیم ہی نہیں بلکہ ان کے ذریعے ایک بہتر معاشرے کی تشکیل کیسے کی جائے اس کی تیاری وہ ابھی سے کررہی ہیں تاکہ ان کی بنیاد مضبوط ومستحکم کی جاسکے اور اس کے بعد ان کا ایڈمیشن اسکول میں کرانے کی بھی زمہ داری انہوں نے لے رکھی ہے۔
مزید پڑھیں:ممبئی میں ڈھابے پر مغلائی کھانا کھانے والوں کے لئے 'شاہی تندوری پلاٹر'
ملک کے وزیر تعلیم دھرمیندر پردھان نے حالیہ بیان میں یہ واضح کردیا ہے کہ ملک میں آج بھی 15 کروڑ بچے تعلیم سے محروم ہیں، جنہیں تعلیم سے آراستہ کرنے کی مہم جاری ہے۔ اس کے لئے نئی پالیسیاں بنائی جارہی ہیں۔ لیکن اہم سوال یہ ہے کہ یہ پالیسیاں ان لوگوں تک آخر کیوں نہیں پہنچ پاتی ہیں؟
