امت شاہ نے گجرات اور مرکزی حکومت کے سربراہ کے طور پر عوامی خدمت کے 20 برس مکمل کرنے پر وزیراعظم مودی کو جمعرات کو نیک خواہشات دیتے ہوئے کہا کہ آج سے 20 برس قبل نریندرمودی جی نے گجرات کے وزیراعلیٰ کے طورپر حلف لیا اور وہاں سے شروع ہوا ترقی اور گڈگورننس کا سفر آج تک بلاتعطل جاری ہے۔ ان 20 برسوں میں مودی جی نے عوام اور ملک کی ترقی کے لئے دن رات ایک کرکے محنت کی ہے۔
انہوں نے کہا کہ وزیراعظم نے اپنی مضبوط قوت ارادی سے ناممکن کو ممکن کرکے دکھایا ہے۔ انہوں نے کہاکہ ریاست اور مرکزی حکومتوں کے سربراہ کے طورپر عوامی خدمت کے 20 سال مکمل ہونے پر وزیراعظم نریندر مود ی جی کو مبارکباد دیتا ہوں۔ غریبوں کی فلاح وبہبود کے وقف ان 20 برسوں میں مودی جی نے اپنی مضبوط قوت ارادی اور وقت سے آگے کی سوچ سے ناممکن کو ممکن کرکے دکھایا۔
وزیر داخلہ نے کہاکہ میری خوش قسمتی ہے کہ مجھے نریندر مودی جی کی قیادت میں پہلے گجرات اور پھر مرکز میں حکومت اور تنظیم میں کام کرنے کا موقع ملا۔ آئییے مودی جی قیادت میں ہم تمام اہل وطن مل کر ایک طاقتور اور خودکفیل بھارت کے عزم کو شرمندہ تعبیر کرنے کیلئے اپنی مکمل کوشش کریں۔
خیال رہے کہ وزیر اعظم مودی نے 20 سال پہلے آج ہی کے دن گجرات کے وزیراعلی کے طورپر حلف لیا تھا اور اس کے بعد 2014میں بھارتیہ جنتا پارٹی کے مرکز میں اقتدار میں آنے کے بعد انہوں نے وزیراعظم کے طورپر ملک کی ذمہ داری سنبھالی تھی۔
یو این آئی
