Job Mela in Hyderabad: حیدرآباد میں 30 جولائی کو جاب میلہ کا انعقاد

حیدرآباد میں ایک جاب میلے کا انعقاد کیا جارہا ہے، جس میں آٹھویں جماعت سے لیکر پوسٹ گریجویشن کی اہلیت رکھنے والے امیدوار شرکت کر سکتے ہیں۔ یہ میلہ 30 جولائی کو نواب شاہ عالم خان کالج آف انجینیئرنگ اینڈ ٹکنالوجی میں منعقد ہوگا۔ Hyderabad Job Mela 2022

حیدرآباد: ریاست تلنگانہ کے شہر حیدرآباد میں ایسوسی ایشن آف مسلم پروفیشنلز کی جانب سے 30 جولائی بروز ہفتہ کو ایم ایم ٹی ایس اسٹیشن کے قریب نیو ملک پیٹ نواب شاہ عالم خان کالج آف انجینیئرنگ اینڈ ٹکنالوجی میں ایک میگا جاب میلہ منعقد کیا جا رہا ہے۔ اس جاب میلہ میں ایف ایم سی جی، ریٹیل، ہاسپٹلز، بی پی او، بینکنگ، مینجمنٹ، فائنانس، آئی ٹی اور دیگر شعبہ میں ملازمت کے مواقع فراہم ہوں گے۔ Job fair held in Hyderabad on July 30

اس جاب میلے میں آٹھویں جماعت سے لیکر پوسٹ گریجویشن کی اہلیت رکھنے والے امیدوار شرکت کر سکتے ہیں۔ کم سے کم عمر 18 سال ہونی چاہیے۔ فریشرز اور تجربہ کار حضرات دونوں ہی درخواست دینے کے اہل ہیں۔ اس جاب میلے میں شرکت کے لیے کوئی فیس نہیں ہوگی۔ اس جاب میلے میں تمام طبقات سے تعلق رکھنے والے اہل افراد شرکت کرسکتے ہیں۔