قومی دارالحکومت دہلی میں مرکزی وزیر برائے اطلاعات و نشریات پرکاش جاوڈیکر اور اقلیتی امور کے وزیر مختار عباس نقوی نے جمعرات کے روز یوم آئین کے موقع پر تمام شہریوں کو دلی مبارکباد پیش کرتے ہوئے کہا کہ یہ ہمیں حق دیتا ہے اور فرائض بھی بتاتا ہے کہ اس پر عمل کریں۔
واضح رہے کہ ملک کا آئین بھارت کا سب سے اعلیٰ قانون ہے جو دستور ساز اسمبلی میں 26 نومبر سنہ 1949 کو منظور ہوا اور 26 جنوری 1950 سے نافذ ہوا تھا۔ تب سے اس دن (یعنی 26 نومبر) کو ملک کا یوم آئین قرار دیا گیا ہے۔
یوم آئین پر مبارکباد دیتے ہوئے جاوڈیکر نے کہا کہ 'آئین ہمیں حق اور باختیار بناتا ہے اور اس کی ذمہ داری بھی بیان کرتا ہے۔ اس پر عمل کریں'۔
وہیں دوسری جانب مختار عباس نقوی نے کہا کہ 'شہریوں کے بنیادی حقوق بنیادی فرائض کی ادائیگی پر مبنی ہیں، کیونکہ حقوق اور فرائض دونوں ایک دوسرے سے پائے جاتے ہیں'۔
انہوں نے مزید کہا کہ 'یوم آئین کے موقع پر دستور ہند کے قانون ساز باباصاحب امبیڈکر کو سلام'۔
