جموں: کانگریس نے بی جے پی کو لشکر طیبہ کے کمانڈر طالب حسین شاہ کی بی جے پی رینک میں موجودگی پر آڑے ہاتھوں لیا اور بی جے پی سے 'جموں و کشمیر سے لے کر راجستھان کے ادے پور تک عسکریت پسندوں کے روابط' کے بارے میں تنقید کا نشانہ بناتے ہوئے کہا کہ 'بی جے پی لیڈروں اور وزیر داخلہ امت شاہ سے عسکریت پسند نے ملاقات کیسے کی؟۔'JK Congress On BJP
جموں کشمیر پردیش کانگریس کمیٹی کے ترجمان رویندر شرما JK Congress Committee spokesperson Ravinder Sharma نے کہا کہ لشکر طیبہ کا کمانڈر اگر بی جے پی کے ساتھ منسلک ہے تو اس کی تحقیقات کرنا ضروری ہے، کیونکہ حکمران جماعت بی جے پی کی صفوں میں شامل یہ عسکریت پسند، جموں کشمیر اور ملک کی سلامتی کے لیے سنگین خطرہ تھا۔
بی جے پی یو ٹی کے صدر رویندر رینا، لوک سبھا ممبر پارلیمنٹ جگل کشور شرما بشمول ملک کے وزیر داخلہ سمیت بی جے پی کی اعلیٰ قیادت کے ساتھ عسکریت پسند کی تصویروں کا ذکر کرتے ہوئے جموں کشمیر ریاستی کانگریس کمیٹی کے ترجمان رویندر شرما نے کہا کہ بی جے پی اب سچ کو جھوٹ میں تبدیل کرنے کی کوشش کررہی ہے کہ ان کے کنکشن ان کے ساتھ نہیں ہیں۔ Ravinder Sharma Slams BJP
انہوں نے کہا کہ عسکریت پسند کا وزیر داخلہ امت شاہ کے ساتھ ملنا، سکیورٹی کی سنگین خلاف ورزی تھی اور انٹیلی جنس ایجنسیوں کی ناکامی، جس کی اعلیٰ سطح کی جانچ اور کارروائی کی ضرورت ہے۔ JK Congress On BJP
یہ بھی پڑھیں:
واضح رہے کہ جموں کے ریاسی ضلع کے ٹوکسن گاؤں کے لوگوں نے دو عسکریت پسندوں کو پکڑ کر پولیس کے حوالے کیا تھا، جن کے قبضہ سے اسلحہ برآمد کیا گیا ہے۔ پولیس نے ان کی شناخت طالب حسین اور فیصل ڈار کے بطور کی ہے۔ پولیس کا کہنا ہے کہ فیصل ڈار ضلع پلوامہ کا سرگرم عسکریت پسند ہے جب کہ طالب حسین ضلع راجوری کے بدھل علاقے کے رہنے والا ہے۔ دونوں پولیس کو مطلوب تھے۔ وہیں طالب حسین سے متعلق کہا جارہا ہے کہ وہ بھارتیہ جنتا پارٹی کے مائنارٹی سیل کا سوشل میڈیا انچارج تھا۔ تاہم بی جے پی نے اس کی تردید کرتے ہوئے کہا کہ طالب حسین کبھی بی جے پی کا رکن نہیں رہا۔ Ravinder Sharma Slams BJP
