اندور: ریاست مدھیہ پردیش کے ضلع اندور کے جونی اندور تھانہ علاقے کے بیلیشور مہادیو مندر میں کنویں کا سلیب گرنے سے 36 لوگوں کی موت ہو گئی۔ حادثے کے بعد وزیر اعلیٰ شیوراج سنگھ چوہان نے مندر سے غیر قانونی تعمیرات ہٹانے کا حکم دیا تھا۔ اس پر کارروائی کرتے ہوئے اب ضلع انتظامیہ نے مندر میں کی گئی غیر قانونی تعمیرات کو منہدم کر دیا ہے۔ اس کے علاوہ انتظامیہ نے کچھ ایسی جگہوں کی نشاندہی کی ہے جہاں لوگوں نے کنویں کے حصوں پر غیرقانونی طریقے سے قبضہ کیا ہوا ہے۔ اسی کے تحت پیر کو بیلیشور مہادیو مندر کی غیر قانونی تعمیرات پر بھی انتظامیہ کا بلڈوزر چلا۔
-
#WATCH | Madhya Pradesh: Indore municipality deploys bulldozer & demolishes illegal structure at Indore temple where 36 people died after the stepwell collapse there last week. pic.twitter.com/gpRJB6zWhN
— ANI MP/CG/Rajasthan (@ANI_MP_CG_RJ) April 3, 2023 " class="align-text-top noRightClick twitterSection" data="
">#WATCH | Madhya Pradesh: Indore municipality deploys bulldozer & demolishes illegal structure at Indore temple where 36 people died after the stepwell collapse there last week. pic.twitter.com/gpRJB6zWhN
— ANI MP/CG/Rajasthan (@ANI_MP_CG_RJ) April 3, 2023#WATCH | Madhya Pradesh: Indore municipality deploys bulldozer & demolishes illegal structure at Indore temple where 36 people died after the stepwell collapse there last week. pic.twitter.com/gpRJB6zWhN
— ANI MP/CG/Rajasthan (@ANI_MP_CG_RJ) April 3, 2023
بیلیشور مہادیو مندر حادثے کے چار دن بعد پیر کو میونسپل کارپوریشن نے مندر کے احاطے میں غیر قانونی تعمیرات کو منہدم کردیا۔ اس دوران اعلیٰ افسران اور پولیس فورس موجود تھی۔ غیر قانونی تعمیرات ہٹانے کی کارروائی کے دوران ناخوشگوار صورتحال سے بچنے کے لیے چار تھانوں بشمول جونی اندور، بھنورکوان اور راوجی بازار کی پولیس فورس کو تعینات کیا گیا تھا۔ میونسپل کارپوریشن نے پانچ پوکلین مشینوں کی مدد سے یہ کارروائی کی۔ بیلیشور مہادیو مندر پر غیر قانونی تجاوزات کو ہٹانے کے لیے اتوار کی رات ہی 12 بجے نوٹس چسپاں کیا گیا تھا۔ پیر کی صبح جب لوگ درشن کرنے مندر پہنچے تو انہیں باہر ہی روک دیا گیا۔ یہی نہیں کارروائی میں رکاوٹ ڈالنے والوں پر لاٹھی چارج بھی کیا گیا۔ صبح 6 بجے مندر کی غیر قانونی تعمیر پر انتظامیہ کا بلڈوزر چلا، جس میں پہلے مندر کی زیر تعمیر دیواروں کو توڑا گیا اور پھر بعد میں مندر سے مورتیوں کو ہٹا دیا گیا۔
مزید پڑھیں:۔ Indore Temple Mishap اندور مندر حادثے میں ہلاک ہونے والوں کی تعداد 35 ہوگئی، رسکیو آپریشن جاری
بتادیں کہ 30 مارچ 2023 کو رام نومی کے دن لوگ مقامی بیلیشور مہادیو کے درشن کے لیے اندور کے جونی تھانہ علاقے پہنچے تھے۔ اس دوران مندر میں واقع کنویں کا چھت گرنے سے تقریباً 55 افراد اس میں گرگئے۔ اس حادثے میں 18 لوگوں کو ریسکیو کیا گیا جبکہ 36 کی موت ہو گئی۔ حادثے کے بعد پی ایم نریندر مودی سے لے کر سی ایم شیوراج تک اور چھوٹے بڑے رہنماوں نے غم کا اظہار کیا تھا۔ حادثے میں زخمی ہونے والے افراد اور جاں بحق ہونے والوں کے لواحقین کے لیے بھی امداد کا اعلان کیا گیا۔
