ایک عارضی رپورٹ کے مطابق جمعرات کی صبح 7 بجے تک 40 لاکھ 45 ہزار 516 سیشنز میں ملک میں کوووڈ 19کے ٹیکوں کی کُل 30 کروڑ 16 لاکھ 26 ہزار 28 خوراک دی جاچکی ہے۔ گزشتہ 24 گھنٹوں میں ٹیکے کی 64 لاکھ 89 ہزار 599 خوراک دی گئی۔
کووڈ-19 ٹیکہ کاری کو سب کے لیے دستیاب کرانے کا نیا مرحلہ 21 جون 2021کو شروع ہوا۔ مرکزی حکومت پورے ملک میں ٹیکہ کاری کی رفتار اور گنجائش میں اضافہ کے لیے پرعزم ہے۔
یہ بھی پڑھیں: Coronavirus Update: بھارت میں کورونا کیسز میں مسلسل کمی
وزارت صحت کے مطابق ملک میں گذشتہ 24 گھنٹوں میں 54 ہزار 69 نئے معاملے درج کئے گئے۔ مسلسل 17 ویں دن ملک میں کووڈ-19 کے معاملات کی تعداد ایک لاکھ سے کم درج کی گئی ہے۔ یہ مرکز، ریاستوں اور مرکز کے زیر انتظام علاقوں کے تعاون سے کی جارہی مسلسل کوششوں کا نتیجہ ہے۔
