ڈوڈہ ضلع میں 100 فٹ اونچا قومی پرچم نصب کیا گیا
ڈوڈہ: جموں و کشمیر کے ڈوڈہ ضلع میں 100 فٹ اونچا قومی پرچم نصب کیا گیا۔ اس قومی پرچم کو ڈوڈہ کے اسپورٹس اسٹیڈیم میں 10 راشٹریہ رائفلز راجپوت کی جانب سے نصب کیا گیا۔ اس کا مقصد یونین ٹیریٹری کے باشندوں میں قومی پرچم کے تئیں فخر کے جذبہ کو فروغ دینا ہے۔ اس موقع پر 9 سیکٹر کمانڈر کشتواڑ کرنل انکور شرما، ڈی سی ڈوڈہ سمیت متعدد افراد موجود رہے۔
ایس ایس پی ڈوڈہ عبدالقیوم نے اسپورٹس اسٹیڈیم ڈوڈہ میں اس پرچم کا افتتاح کیا۔ اس کے بعد انہوں نے ڈی پی ایل ہیلی پیڈ کے قریب آرمی کیمپ ڈوڈہ میں جی وائی ایم کا افتتاح کیا۔ افتتاح میں ڈوڈہ ضلع کے مقامی لوگوں نے بھی شرکت کی۔ اس موقع پر میجر جنرل اجے کمار جی او سی ڈیلٹا فورس بٹوٹ، کاؤنٹر انسرجنسی سی آئی سی ٹی اور میجر جنرل اجے کمار نے ایک روزہ ڈوڈا ثقافتی میلے کی افتتاحی تقریب میں ترنگا عوام کے نام کیا۔
