بھارتیہ جنتا پارٹی (بی جے پی) نے کانگریس پر حملہ کرتے ہوئے الزام لگایا ہے کہ کانگریس کے دور میں بھارت جزوی طور پر مسلم ملک تھا۔
بی جے پی کے ترجمان سدھانشو ترویدی نے ہفتہ کو یہاں ایک پریس کانفرنس میں کہا کہ سابق وزیر اعظم اٹل بہاری واجپئی کے دور میں اور موجودہ وزیر اعظم نریندر مودی کی حکومت کے اقتدار میں آنے سے پہلے بھارت جزوی طور پر مسلم ملک تھا۔
انہوں نے کہا کہ بھارت اپنی طاقت کو بھول چکا تھا۔ اب جب بھارت کو اپنی طاقت کا اندازہ ہوگیا ہے تو کانگریس پارٹی میں کھلبلی مچ گئی ہے۔
مزید پڑھیں:۔ ’اگر آپ ہندو ہیں تو ہندوتوا کی ضرورت کیا ہے؟‘
سدھانشو ترویدی نے یہ بات کانگریس رہنماء اور سابق مرکزی وزیر سلمان خورشید اور کانگریس رہنما راشد علوی کے ہندوتوا کے حوالے سے کیے گئے متنازع ریمارکس کے تناظر میں کہی۔
قبل ازیں سلمان خورشید نے اپنی نئی کتاب 'سن رائز اوور ایودھیا' میں ہندوتوا کا موازنہ دہشت گرد تنظیموں آئی ایس آئی ایس اور بوکو حرام جیسے سخت گیر گروپس سے کیا تھا، جس کے بعد تنازع ہو گیا۔
(یو این آئی)
