احمد آباد کے نریندر مودی اسٹیڈیم میں ہندوستان اور انگلینڈ کے درمیان کھیلے جارہے پانچ ٹی-20 میچوں کی سیریز کے آخری اور فیصلہ کن میچ میں میزبان ٹیم نے انگلینڈ کے سامنے جیتنے کے لئے 225 رنز کا بڑا ہدف دیا ہے۔
وراٹ کوہلی اور روہت شرما نے ہندوستان کو عمدہ آغاز فراہم کیا، پہلا وکٹ گرنے سے قبل انہوں نے ویراٹ کے ساتھ پہلی وکٹ کے لئے 94 رن کی شراکت کی تھی۔ ان دونوں نے پاور پلے میں ہی کے لئے 60 رنز بنا لیے تھے۔
روہت شرما نے صرف 30 گیندوں پر 50 رنز بنائے ہیں اور سوریہ کمار نے 17 گیندوں پر تیز ترین 32 رنز بنا دئے، کپتان وراٹ کوہلی نے بھی نصف سنچری کی۔
خیال رہے کہ دونوں ٹیمیں سیریز میں 2-2 میچ جیت چکی ہیں اور جو ٹیم میچ میں فاتح ہوگی وہی سیریز کی بھی فاتح بن جائے گی۔
یہ میچ دونوں ٹیموں کے لیے کافی اہم ہے۔ بھارتی کھلاڑیوں نے بھی جی جان لگا کر اسکور کو کافی مشکل بنانے کی کوشش کی جس میں وہ کامیاب بھی رہے اب دیکھنا ہے کہ انگلینڈ کی ٹیم اس مشکل ہدف کا پیچھا کرپاتی ہے یا سیریز گنوا دیتی ہے۔
