خواتین واطفال کی ترقی کی مرکزی وزیر اسمرتی ایرانی نے بدھ کو کہا کہ ہندوستان خواتین کو بااختیار بنانے کے لئے ٹیکنالوجی کا استعمال کر رہا ہے اور زمینی سطح پر ڈیجیٹل خدمات فراہم کر رہا ہے۔
Statement by Union Minister for Women and Child Development Smriti Irani
بالی، انڈونیشیا میں جی-20 وزارتی کانفرنس سے خطاب کرتے ہوئے محترمہ ایرانی نے کہا کہ خواتین کی ہمہ گیر ترقی کے لیے ہندوستان میں جدید ترین ٹیکنالوجی کا استعمال کیا جا رہا ہے۔ اس کانفرنس میں جی-20 ممالک سے خواتین کے مسائل سے متعلق وزراء شرکت کر رہے ہیں۔ کانفرنس کا موضوع ہے "خواتین کو بااختیار بنانا - ڈیجیٹل صنفی فرق: ڈیجیٹل معیشت میں اور مستقبل کے طریقہ کار میں خواتین کی شراکت"۔
کانفرنس سے خطاب کرتے ہوئے محترمہ ایرانی نے کہا کہ ہندوستان میں مودی حکومت خواتین کو بااختیار بنانے اور برابری کے لیے پرعزم ہے۔ اس کے لیے معیشت میں خواتین کی حصہ داری بڑھانے کے اقدامات کیے جا رہے ہیں۔ ڈیجیٹل طریقہ کار کے ذریعے معیشت میں خواتین کی شرکت کو بڑھایا جا رہا ہے۔
کانفرنس کے موقع پر محترمہ ایرانی نے انڈونیشیا اور آسٹریلیا کے وزراء سے ملاقات کی۔ انہوں نے یورپی یونین کے مساواتی کمشنر سے بھی ملاقات کی۔
ایرانی نے انڈونیشیا کی خواتین کو بااختیار بنانے اور بچوں کے تحفظ کی وزیر بنتانگ پشپایوگ کے ساتھ ملاقات کی۔ دونوں وزراء نے ایک دوسرے کے ملک میں خواتین کی ترقی اور بچوں کے تحفظ سے متعلق جاری مختلف پروگراموں اور اسکیموں کے بارے میں معلومات لیں اور اپنے تجربات کا تبادلہ کیا۔ مسز ایرانی، آسٹریلیا کی وزیر خزانہ، خواتین اور پبلک سروس کی وزیر سینکیٹ جی سے بھی ملاقات کی اور انہیں مودی حکومت کی خواتین پر مبنی پالیسیوں اور منصوبوں جیسے ہاؤسنگ، صحت اور مالی شمولیت وغیرہ کے بارے میں واقف کرایا۔
مسز ایرانی نے ایک ٹویٹ میں کہا کہ انہوں نے یورپی یونین کی مساوات کمشنر ہیلنڈالی سے بھی ملاقات کی اور ان کے ساتھ نتیجہ مثبت بات چیت کی۔ مسز ہیلینڈلی نے ہندوستان میں خواتین کی بہبود کے لیے زمینی سطح پر کیے گئے کاموں کی تعریف کی۔
یواین آئی
