اقوام متحدہ: بھارت نے بدھ کے روز اقوام متحدہ کی سلامتی کونسل میں مسئلہ کشمیر کو اٹھانے پر پاکستان پر تنقید کرتے ہوئے کہا کہ ایک ایسا ملک جس نے القاعدہ کے رہنما اسامہ بن لادن کی میزبانی کی اور اپنے پڑوسی ملک کی پارلیمنٹ پر حملہ کیا، اس کو اقوام متحدہ میں 'مشورہ' دینے کی کوئی ضرورت نہیں ہے۔ وزیر خارجہ ایس جے شنکر نے کہا کہ اقوام متحدہ کی ساکھ ہمارے دور کے بڑے چیلنجز وبائی امراض، موسمیاتی تبدیلی، جد و جہد یا شدت پسندی کے خلاف مؤثر ردعمل پر منحصر ہے۔ اقوام متحدہ کی سلامتی کونسل (یو این ایس سی) میں 'بین الاقوامی امن اور سلامتی اور اصلاح شدہ کثیرالجہتی کے لیے ایک نئی سمت' پر ایک بحث کی صدارت کرتے ہوئے جے شنکر نے کہا کہ ہم آج واضح طور پر کثیرالجہتی کی اصلاح پر توجہ مرکوز کر رہے ہیں۔ قدرتی طور پر ہمارے اپنے مخصوص خیالات ہوں گے، لیکن کم از کم ایک اتفاق کی طرف بڑھ رہے ہیں کہ اس میں مزید تاخیر نہیں کی جا سکتی۔India criticizes pakistan for raising kashmir issue in un
مزید پڑھیں:۔ اقوام متحدہ میں مسئلہ کشمیر اٹھانے پر بھارت برہم
انہوں نے کہا کہ دنیا جس چیز کو ناقابل قبول سمجھتی ہے اس کے جواز کا سوال ہی پیدا نہیں ہونا چاہیے۔ یہ یقینی طور پر سرحد پار شدت پسندی کی ریاستی سرپرستی پر لاگو ہوتا ہے۔ نہ ہی اسامہ بن لادن کی میزبانی کرنا اور کسی پڑوسی ملک کی پارلیمنٹ پر حملہ کرنا اس کونسل کے سامنے مشورہ دینے کے لئے سند کے طور پر کام کر سکتا ہے۔ اہم بات یہ ہے کہ 13 دسمبر 2001 کو لشکر طیبہ اور جیش محمد کے شدت پسندوں نے پارلیمنٹ پر حملہ کیا تھا۔ اس حملے میں دہلی پولیس کے پانچ اہلکار، سینٹرل ریزرو پولیس فورس کی ایک خاتون اہلکار اور دو پارلیمنٹیرین شدت پسندوں سے لڑتے ہوئے ہلاک ہو گئے تھے۔ حملے میں ایک ملازم اور ایک کیمرہ مین بھی مارے گئے تھے۔
